Prelegoj pri muziko


ĉefa paĝo -> prelegoj

prelego Esperanto-muziko dum interlingvista konferenco

prelego pri tradukado de kantotekstoj al Esperanto

prelego pri la lastatempa evoluo de Esperanto-muziko

Mia patro demandis min, ĉu mi ne povus prelegi pri Esperanto-muziko en marto 2004 ĉe la Esperanto-societo Münster. Mi konsentis, kvankam mia prelego pri Esperanto-muziko jam ŝajnis iom malnova. Poste la Itala Esperanto-Junularo (IEJ) petis min kontribui al la programo de la Internacia Junulara Festivalo (IJF), kies temo en 2004 estas "muziko", ekzemple per prezentado de Esperanto-muziko. Sekve mi decidis verki tute novan prelegon anstataŭ nur aktualigi la malnovan. Ĝi pritraktas la atingojn kaj evoluojn ekde 2000 (pli precize post la "Kolekto 2000") ĝis marto 2004 kaj tuŝas aktualajn problemojn same kiel estontajn ŝancojn. Mi ripetis la prelegon dum la Internacia Seminario (IS) 2004/05 en Wetzlar kun aktualigita enhavo, kiu konsideras aldone la tempon ĝis decembro 2004.

prelego pri Esperanto-kulturo

Tiu prelego estas tria parto de prezentado de Esperanto. (La unua parto ĝenerale informas pri la lingvo kaj ĝia praktika uzeblo. La dua montras kiel praktikan ekzemplon la vojaĝon de Till C. SCHÖNBERNER al la IJK 2000 en Hongkongo). Ĉar nura teksto ne bone taŭgas por prezenti kulturon, mi uzis fotojn de Esperanto-muzikgrupoj, kantotekstojn kaj kompreneble multajn sonekzemplojn. La prelego alcelas neesperantistan publikon kaj estas en la germana. Mi intertempe transformis la prelegon al artikolo kiu poste aperis en /·kune·/. En la reto legeblas la prelego en artikola formo.

prelego pri moderna Esperanto-muziko

Mi iom aŭdace promesis al Frank STOCKER prelegi pri moderna, junulara Esperanto-muziko dum la Germana Esperanto-Kongreso (GEK) 2001 en Ludwigshafen. Kiel fonto i.a. servis artikolo de mi pri Esperanto-muziko kaj la Esperanto-movado kiu aperis en /·kune·/ kaj de kiu Esperanto aktuell citis kelkajn frazojn. Mi ripetis la prelegon dufoje: Dum la KISO 2001 kaj dum la IS 2001/02 en Rotenburg/Wümme.

lastaj ŝanĝoj: 2004-08-17 (ISO 8601).
kontakto: vidu ĉe la ĉefa paĝo.