Kantado


ĉefa paĝo -> kantado

kantista evoluo

originoj

En mia infanaĝo mi ĉiam kantis en la preĝejo kune kun ĉiuj aliaj. Dum la muzikaj lecionoj en la lernejo, precipe la kantoj de "The Beatles" plaĉis al mi. Hejme mi ofte aŭskultis la kasedon "Tute negravas" de Amplifiki kaj - foje - vinildiskon kun Germanaj popolkantoj.

ĥoro "Anastasis"

Inter 1992-1996 mi kantis kiel tenoro en la ĥoro "Anastasis". Ĝi konsistis el junuloj kaj junaj plenkreskuloj. Tie mi lernis vere multon pri alta kaj plurvoĉa kantado. La repertuaro ĉefe estis la t.n. "nova eklezia kanto", sed kelkfoje ankaŭ nereligiaj kantoj. Ekzistas du surbendigoj sur kiuj mi kiel membro de Anastasis kantas:

solokantado

Kiel junulo mi tre ŝatis kunkanti ĉiun kanton en la IS-diskotekoj kaj tial lernis multajn tekstojn. En pasko 1997 mi sub la nomo "Gennaro Pescatore" la unuan fojon prezentis propran muzikan verkon al la publiko kaj de temp' al temp' ripetis tion. En somero 1999 mi skribis mian unuan hiphopkanton kaj tiel komencis ankaŭ parolkanti. Post kiam mi malkovris ke kanti en multaj diversaj lingvoj ne estas io neebla kaj ke tio samtempe tre plaĉas al homoj el aliaj landoj, mi pligrandigis mian repertuaron je ŝatataj pecoj en aliaj lingvoj. Plurfoje mi ankaŭ partoprenis karaokeadon.

nuna stato

Hodiaŭ mi kantas en la grupo "La Kuracistoj", kie mi samtempe ludas akompanan akustikan gitaron. Mi konas multajn kantojn sed ne volas malkaŝi pli... restu iom da surprizo por la okazoj kiam mi prezentiĝas!

muzikaj modeloj koncerne kantadon

Freddy Mercury de Queen, Bono de U2, Sting de The Police, Steve Hogarth de Marillion, Paul Simon kaj Art Garfunkel

lastaj ŝanĝoj: 2004-01-17 (ISO 8601).
kontakto: vidu ĉe la ĉefa paĝo.