Parodiaj kantoj


ĉefa paĝo -> verkitaj kantotekstoj -> parodiaj kantoj

pri la tekstoj

La ideo por tiuj kantoj venis al Holger BOOS kaj mi sub la duŝo resp. en la vico por la vespermanĝo dum la Internacia Junulara Festivalo (IJF) en 2003. La tekstojn mi skribis kaj ni kune prezentis la parodiojn, gajnante la unuan premion dum la konkurso "La Corrida" kiu okazis kadre de la internacia vespero.

Duŝ' 2

laŭ la melodio de "Song 2" de Blur

Ŭo-hu!
Ŭo-hu!
Ŭo-hu!
Ŭo-hu!

Jen mi sub duŝo
Sed kia fuŝo
Post unu tuŝo
La kri' el buŝo:

Ŭo-hu - frostegas akvo ja sen ĉes'!
Ŭo-hu - sed mi tamen duŝas, jes!
Ŭo-hu - kvankam ne ĝustas la promes'
pri pli varma akvo dum certaj horoj
- dum certaj horoj!

Ho ve!
Ho ne!
Ho ve!
Ho ne!

Odoras kiel vespermanĝo

laŭ la melodio de "Smells like Teen Spirit" de Nirvana

Jen la vespero / Mi malsatas do mi iras al manĝej'
Sed multaj homoj / same pensis kaj la vico longas plej
Mi enviciĝas / kaj mi fidas plian fojon al esper'
Sed ekmontriĝas / ke nek restis plu manĝaĵo nek teler'

Kaj do, kaj do, kaj do, IJF...
Kaj do, kaj do, kaj do, IJF...
Kaj do, kaj do, kaj do, IJF...
Kaj do, kaj do, kaj do...

Elĉerpiĝis / vespermanĝo / ne haveblas / eĉ oranĝo
Longan vicon / mi malŝatas / kiam tiom / mi malsatas!
Mi malsatas / tre malsatas / tro malsatas / mortmalsatas

Atendado
Atendado
Atendado
Atendado
Atendado
Atendado

lastaj ŝanĝoj: 2006-11-30 (ISO 8601).
kontakto: vidu ĉe la ĉefa paĝo.